Gjukanoviç shpërndau parlamentin, Abazoviç: Dekreti, jo në përputhje me kushtetutën

Kryeministri në detyrë i Malit të Zi, Dritan Abazoviç ka hedhur akuza në drejtim të presidentit Milo Gjukanoviç, në lidhje me vendimin e këtij të fundit, i cili ditën e djeshme shpërndau parlamentin.

Abazoviç u shpreh se dekreti i Gjukanoviçit nuk është në përputhje me Kushtetutën e Malit të Zi, shkruan Vijesti.

“Presidenti i shtetit ka miratuar dje Dekretin për shpërndarjen e Kuvendit. Ai nuk i referohet Ligjit për Presidentin, thotë neni i Kushtetutës dhe hyn në marrëzi juridike”, theksoi ai.

Abazoviçi bëri thirrje deputetëve që ta marrin në dorë çështjen e shkurtimit të mandatit të tyre.

Ndërkaq, ditën e sotme, Milo Gjukanoviç shpalli 11 qershorin datë për mbajtjen e zgjedhjeve të jashtëzakonshme parlamentare.

LEXONI GJITHASHTU

• Gjukanoviç shpall datën e zgjedhjeve parlamentare në Mal të Zi
• Mali i Zi drejt zgjedhjeve të parakohshme, të dielën zgjidhet presidenti
• Mali i Zi shkon në zgjedhje këtë të diel, Gjukanoviç kërkon rikonfirmimin