Gjykata Supreme rrëzon ankesat ndaj rezultateve të zgjedhjeve

Gjykata Supreme i ka hedhur poshtë tri ankesat e fundit të subjekteve politike ndaj rezultateve të zgjedhjeve parlamentare të 9 shkurtit, duke hapur rrugën për certifikim e tyre.

Supremja rrëzoi të mërkurën si të pathemelta ankesat e Lëvizjes Vetëvendosje, të një kandidatit për deputet nga Partia Demokratike e Kosovës dhe të Partisë Demokratike të Ashkalinjëve (PDAK) – LPB, të cilat kundërshtonin vendimet e Panelit për Zgjedhor për Ankesa dhe Parashtesa (PZAP).

Komisioni Qendror i Zgjedhjeve (KQZ) tani mund t’i certifikojë rezultatet e zgjedhjeve më së largu nesër, e enjten, sipas Eugen Cakollit nga Instituti Demokratik i Kosovës.

LVV-ja u ankua në Supreme ndaj vendimit të PZAP-it, i cili nuk e kishte pranuar kërkesën e saj për anulimin e votave me postë që ka marrë Lidhja Demokratike e Kosovës (LDK), dhe shkuarjen në rivotim me postë.

Ndërkohë, Prokuroria Themelore në Prishtinë ka nisur hetimet lidhur me procesin e votimit me postë, pas pretendimeve të LVV-së se ka pasur manipulime nga LDK-ja.

LEXONI GJITHASHTU:

• LDK akuzon LVV për votat në ambasada, thotë se do ta mbrojë integritetin e votës
• Ankesat e PDK dhe LDK, KQZ vendos rinumërimin e 50 vendvotimeve në Kosovë