Gjyqi për Gërdecin në GJKKO, Mediu kundërshton ekspertizën tekniko-ushtarake

Ish-ministri i Mbrojtjes Fatmir Mediu është paraqitur paraditen e së premtes në GJKKO, ku po mbahet seanca e radhës për dosjen Gërdeci.

Gaztari i Euronews Albania, Eni Ferhati, i cili po ndjek seancën, bën me dije se Mediu ka kundërshtuar vetë para gjyqtares Irena Gjoka dhe prokurorit të SPAK Arben Kraja ekspertizën tekniko-ushtarake, për këtë ish-ministri dhe avokatët e tij Ardian Visha e Henrik Ligori, kanë drejtuar dhjetëra pyetje ekspertëve që e kane hartuar pas tragjedisë 17 vite me parë.

“Mihal Deliorgji ka punuar në Gërdec për tanket, në kohën e Majkos. Shefi i shtabit i Forcave të Armatosura Luan Hoxha kishte 300 telefonata me Deliorgjin, ministri zero të tilla. Sipas urdhrave të Shtabit të Përgjithshem, del qartë, që shpenzimet për transportin e municioneve nuk kanë qenë pjesë e kompetencave të Ministrit të Mbrojtjes. Sipas ligjit për buxhetin, fondet e donatorave për demontim, konsiderohen si pjesë e buxhetit të Ministrisë se Mbrojtjes, qoftë grante, qoftë kredi. Në çdo rast tjetër transporti është bërë nga Forcat e Armatosura”, mësohet të jetë shprehur Mediu.

LEXONI GJITHASHTU:

• Dosja Gërdeci, ish-ministri Fatmir Mediu paraqitet në GJKKO për seancën e radhës
• Gërdeci, shtyhet në GJKKO seanca ndaj ish-ministrit Fatmit Mediu