Greqia nis fushatën zgjedhore, Zyla: Për kë do votojnë shqiptarët në shtetin fqinj

Menjëherë sapo kryeministri Kyriakos Mitsotakis i ka kërkuar presidentes shpërndarjen e parlamentit dhe mbajtjen e zgjedhjeve të përgjithshme në 21 maj, ka filluar edhe zyrtarisht fushata elektorale e partive greke.

Ndërkohë Luan Zyka, kreu i Komitetit Shqiptar në Selanikm, përshkroi qëndrimet politike të forcave politike kryesore greke ndaj emigrantëve shqiptarë.

Ndër të tjera ai shtoi se kanë bërë takime me të gjithë deputetët e krahëve politike, ndërsa kërkojnë që Greqia të jetë partnere strategjike e Shqipërisë dhe të mbështesë emigrantët shqiptarë.

“Ka dy këndvështrime. Emigrantët shqiptarë në kuptimin makro, i duhet një Greqi stabël, një Greqi demokratike dhe një Greqi që të jetë e sinqertë me emigrantët shqiptarë. Ne këtë e kemi vënë para të gjithë deputetëve. Kemi bërë takime me të gjithë deputetët e krahëve politikë. Ne kërkojmë një Greqi miqësore dhe partnere strategjike e Shqipërisë. Në këtë kuptim partia e Mitsotakis e ka treguar këtë, ndërsa ka akoma probleme përsa i përket ndikimit të drejtpërdrejt te jeta e shqiptarëve. Është votuar një ligj për emigrantët dhe pas zgjedhjeve do të bëjmë ç’të jetë e mundur që ky ligj të zgjidh problemet e emigrantëve shqiptarë, në drejtimin e legjitimitetit të tyre, nënshtetësinë dhe pensioneve. Këto të tjera janë të dënueshme nga legjislacioni europian”- tha ai.

Në mënyrë simbolike kreu i qeverisë që synon një katërvjeçar të dytë ka zgjedhur vendlindjen e tij në Hania të Kretës ku ju ka kërkuar votën përkrahësve të tij për të realizuar programin e konservatorëve që sipas tij do ta bëjë Greqinë edhe me të fortë ekonomikisht.

Ndërsa Aleksis Tsipras, rivali i tij kryesor dhe kreu i partisë më të madhe opozitare Syriza, ka paralajmëruar nga një miting në një lagje periferike të Selanikut se sistemi Mitsotakis në fuqi do të përdorë çdo lloj mjeti për të mbajtur pushtetin, ndaj ka kërkuar fitore të partisë së tij që do të sjellë ndryshimin.

LEXONI GJITASHTU:

• Nga burgu në QSUT në gjendje kome, e ëma e 28-vjeçarit: E dhunuan! Ç’më tha mjeku
• Kryeministri Rama nga Korça: Ambicia jonë, skuadrat e huaja të stërviten në Shqipëri