Gruaja e fundit e Berlusconit po krijon rrjet për të marrë Forza Italia!

Gazetari Arbër Agalliu tha në një intervistë për Euronews Albania, se vdekja e Silvio Berluskonit hap diskutimin për pasuesin e tij në krye të partisë Forza Italia.

Agalliu u shpreh se bashkëshortja e fundit e Berlusconit, deputetja 33 vjecare e Forza italia, Marta Fascina është duke krijuar një rrjet mbështetësit që mund të bezdisë figurat e vjetra në parti.

“Një figurë që nuk është analizuar aq shumë është figura e asaj që mund ta quajmë bashkëshorte e Berlusconit, Marta Fascina, edhe pse nuk janë martuar asnjëherë. Marta është deputete 33-vjeçare e Forza Italia dhe ajo në këtë moment mund të ketë një rol shumë të madh në Forza Italia. Mund ta quajmë një first lady të Forza Italia. Ajo ka krijuar rreth vetes një rrjet që mund të bezdisë pak Tajanin, që në këtë moment është lider. Mund të kemi dualizëm mes rrjetit të saj dhe Tajanit. Këto acarime të brendshme të partisë mund ta çojnë drejt shkrirjes në zgjedhjet e ardhshme”, tha gazetari.

LEXONI GJITHASHTU:

• Shqiptari nga Italia: Çdo njeri do donte të ishte si Berlusconi
• Anëtarja e Forza Italia: Në vilën e Berlusconit ka punonjës shqiptarë që nga 1997-ta