Grushti ndaj deputetit, Nallbati përplaset me Abilekajn: Do vazhdoj, s’më trembin

Deputeti i Partisë Demokratike Bledion Nallbati tha në emisionin Now në Euronews Albania se do të vijojnë luftën në kuvend për t’i kthyer opozitës të drejtat që kushtetuta i garanton.

Ai tregoi se në SPAK kishte dhënë shpjegime për atë që kishte thënë edhe në media, ndërsa shtoi se ngjarja nuk ishte ndonjë gjë e madhe nisur nga situata ku gjendet kuvendi.

“Shpresoj që dikush tjetër të mos më provokojë se do t’i përgjigjem kujtdo që do më provokojë, pavarësisht se do shkoj në SPAK apo OKB, shkova në SPAK se më thirrën për të dhënë një dëshmi. Nuk kam për t’u tërhequr nga misioni që kam brenda grupit të PD për të shkuar deri në fund, uroj që dikush tjetër të mos më provokojë”, tha Nallbati.

LEXONI GJITHASHTU:

• “As më goditi, as e godita”, Nallbati flet nga SPAK-u për dhunën në parlament
• U kallëzua në SPAK, Sinaj: S’kam frikë nga drejtësia, Nallbati goditi me grusht