“Haga u drodh”, Haradinaj zbulon marshin e motoristëve: Evropa u bashkua me ne

Nasim Haradinaj këtë të mërkurë, i ftuar në Euronews Albania, foli për eksperiencën dhe momentet nga udhëtimi me motorë në Holandë në shenjë proteste në mbështetje të komandantëve të UÇK-së që po mbahen në Hagë.

Sipas Haradinajt, e “gjithë Evropa” u bashkua në protestë dhe u pritën mirë nga policia vendase edhe pse nuk kishin bërë asnjë kërkesë paraprake për tubimin.

“Policia në Hagë na kanë pritur mjaft mirë, sepse ne nuk kishim bërë ndonjë kërkesë të veçantë paraprakisht. Na kanë toleruar dhe na kanë siguruar për çdo gjë.

Policia na lejoi dy herë. Në të parën shkuam në krah të vendit ku gjykohen, sepse burgu është në një vend tjetër. Më pas kemi shkuar te burgu dhe kemi bërë zhurma me motorë në mënyrë të kulturuar, jo arrogante. Haga u drodh!

E kam parë kuptimin e njerëzve, pleq, fëmijë,  të cilët dilnin dhe na përshëndetnin, e cila ishte diçka mahnitëse. Ka qenë përtej imagjinatës për të pasur dëshirë me qenë”, u shpreh Haradinaj.

LEXONI GJITHASHTU:

• Dy të vrarë në Durrës/ Punonjësi i karburantit: Ishin çuna të sjellshëm, u tronditëm