Hashim Thaçi vizitohet nga vëllezërit e tij në EULEX, paralajmërohet protestë

Ish-presidenti i Kosovës, Hashim Thaçi është vizituar nga vëllezërit e tij në ambientet e EULEX. Ata kanë qëndruar për disa momente. Në momenti që kanë dalë, ata kanë folur lidhur me shëndetin e ish presidentit.

Gani Thaçi u tha shkurt mediave se ish presidenti është mirë me shëndet. Pas tyre është parë teksa hynte në EULEX, edhe bashkëshortja e ish-presidentit Thaçi.

Ndërkohë, ka pasur forca të shtuara të policisë pasi po diskutohet për një protestë rreth orës 12:00, pasi Thaçi të niset për në Hagë. Protesta vjen si një mesazh dhe reagim për insititucionet e Kosovës, pasi përkrahësit mendojnë se qeveria e Kosovës nuk ka bërë sa duhet që Gjykata Speciale të shuhet, pasi nuk lejoi ish-Presidentin të merrte pjesë në varrimin e babait të tij.

Bëhet me dije se vizitat ndaj Hashim Thaçit lejohet të bëhen deri në orën 18:00. Pas këtij afati kohor, do nisin përgatitjet për nisjen e Thaçit drejt Hagës.

Para EULEX-it ishin të pranishëm edhe të rinjtë e Partisë Demokratike të Kosovës, të cilët kanë mbajtur në duar pankarta të ndryshme në shenjë mbështetje për ish-presidentin.

Thaçi ditën e djeshme ka qëndruar në vendlindjen e tij në Burojë të Skenderajt, ku ka bërë homazhe të varri i babait të tij, si dhe ka qëndruar për disa orë në shtëpinë e tij, ku është takuar me nënën dhe bashkëshorten e tij.

Thaçi po përballet me një proces të tejzgjatur gjyqësor, nën akuzat për krime të pretenduara të luftës.

LEXONI GJITHASHTU:

• Aksion në Korçë kundër basteve të paligjshme, arrestohen 10 persona
• “Erdha i fundit babë!”, Hashim Thaçi lë mesazhin e ndjerë në varrin e babait të tij