“Hello, je në vete apo jo?”, Veliaj replikon me Mëhillin për apartamentet në Tiranë

Kryetari i Bashkisë Tiranë, Erion Veliaj replikoi me gazetaren Erla Mëhilli kur kjo e fundit i tha se në kryeqytet janë dhënë 7.4 milionë leje ndërtimi.

“Nuk janë dhënë 7 milionë leje ndërtimi se na habite tani,” – iu kthye Veliaj.

“Nëse marrim 70% të tyre ndërtim për banesa i bie 5 milionë e 248 metra katrorë ndërtim, e cila nëse pjesëtohet me 100 metra, banesë mesatare, i bie 52 mijë banesa dhe ju keni deklaruar në vitin 2015 se ishin 8000 apartamente stok në Tiranë, pra totali që i keni dhënë tregut janë 60 mijë apartamente,” – llogariti Mëhilli.

“Je në vete çfarë po thua, po e dëgjon veten? Pra, po thua që në një vit ishin 8000 dhe po më thua që në 7 vite janë 56 mijë. Patjetër se 7×8 bëjnë 56. Krahason një vit me 7 vite. 7×8 bëjnë 56, del fiks llogaria. Pra, sapo the mbrojtjen më perfektë që unë s’arrita dot ta thosha kaq mirë sa ty. Pra, ti the në 2015-tën ishin 8000, por në këto 5 vite janë 56 mijë. Hello! Se 7×8 bëjnë 56,” – u shpreh Veliaj.

LEXONI GJITHASHTU:

• “Trafiku në Tiranë”, Veliaj përplaset me Mëhillin: Rritemi me 25 mijë vetë në vit
• Veliaj: 100 mijë vetë të punësuar në industrinë e ndërtimit