“Heqja e dinarit, vendim i pritur me vite”, Spahiu: Të gjobitet kush e përdor

Analisti Nexhmedin Spahiu ishte këtë të enjte i ftuar në Euronews Albania, për të folur për vendimin e qeverise Kurti për të ndaluar përdorimin e dinarit.

Sipas tij ky vendim ka qenë i pritur me vite që në momentin që valuta zyrtare në Kosovë është bërë Euro. Sipas tij ky vendim është rrumbullakim i sovranitetit të Kosovës.

“Mund të përdoret por meqenëse tashmë kontrolli i plotë është nga ana e policisë së Kosovës, inspektoratet e Kosovës, mund të ketë gjoba nëse përdoret si monedhë këmbimi në dyqane apo institucione të ndryshme”,-tha Spahiu.

I pyetur nëse ky vendim e cenon serbët të cilët ndodhen në veri analisti u përgjigj:

“Kjo nuk i cenon qytetarët, pasi gjithnjë ekziston mundësia e këmbimit të dinarëve me Euron. Por cenohet shteti i Serbisë, e cila në fakt ka qenë ajo që ka cenuar shtetin e Kosovës”.

LEXONI GJITHASHTU:

• Liderët e BE-së sigurojnë 2 miliardë euro për Ballkanin Perëndimor
• E rëndë në Korçë, nënë e bijë gjenden të vdekura brenda shtëpisë