Historikisht bastione të djathta, bashkitë që PD ka humbur thellë që nga themelimi

Koalicioni Bashkë Fitojmë ka pësuar humbjen më të thellë të gjithë historisë së saj të PD.

Teksa ende vijon numërimi i votave, Partia Socialiste ka marrë rreth 38 bashki deri më tani ndërsa koalicioni “Bashkë Fitojmë” ka marrë rreth 7 bashki.

Por ajo që vlen të theksohet është pikërisht rezultati në bashkinë e Tropojës dhe në Shkodër.

Këto dy bashki Shkodra dhe Tropoja janë dy bastione historike që PD ka fituar gjithmonë dhe i ka pasur qendra të aktivizmit të saj politik.

Por në këto zgjedhje Shkodra është fituar nga kandidati i PS Benet Beci me  33.953 vota ndërsa Bardh Spahia nga koalicioni “Bashkë Fitojmë “ ka marrë 22.414 vota. Pra Beci ka marrë rreth 10 mijë vota më shumë se kundërshtari i tij.

Gjithashtu dhe në Tropojë fitoi PS, ku Rexhe Byberi mori 5,126 vota ndërsa Besnik Dushaj nga koalicioni ‘Bashkë Fitojmë’ mori 4876 vota.

Kujtojmë se Shkodra nuk u arrit të fitohej nga PS edhe pse PD bojkotoi në vitin 2019.

LEXONI GJITHASHTU: 

• “Bashkë Fitojmë” dështon në zgjedhjet lokale, reagon për herë të parë Ilir Meta
• Drejt humbjes përballë Benet Becit në Shkodër, reagon Bardh Spahia