Hoxha: Shqipërisë i bën mirë që kandidatët të mos dalin nga xhepi i kryetarit

Lisandër Hoxha, anëtar i kryesisë së PD-së e konsideron shumë pozitiv faktin që janë shtuar kandidaturat për primaret.

Sipas tij Shqipërisë i bën mirë që kandidatët të mos dalin nga “sqetulla, xhepi i kryetarit apo i një grupi të caktuar, por të votohen nga njerëzit”.

Hoxha thotë se demokratët nuk kanë arsye të vihen në pikëpyetje se këtë duhet të votojnë përballë kaq shumë kandidaturash.

“Duke pasur shumë kandidatura nuk ka një gjë të keqe, ka një gjë të mirë. Në fund të ditës në bazë do zbresin 2-3 emra kryesorë, pretendentët më të mirë, për të cilët do t’i themi edhe anëtarëve të partisë, edhe qytetarëve që kërkojnë statusin e simpatizantit të PD-së që të zgjedhin. Unë nuk shoh problem këtu. Shyqyr që po i ndodh Shqipërisë një gjë e tillë, inkurajoj edhe të majtën ta bëj,” – u shpreh ai.

LEXONI GJITHASHTU:

• A do të votojë PL në primaret e PD-së? Tedi Blushi: E mbështesim plotësisht
• Primaret në PD, Bozdo: do bëhet debat mes kandidatëve, fituesi del me balotazh
• Vokshi: Primaret do të zhvillohen në 72 degët e PD-së