Humbja e Interit është bërë virale, si ju duket krahasimi me PD? Përgjigjet Berisha

Gjatë një konference për shtyp këtë të hënë, lideri demokrat Sali Berisha u pyet nga gazetarët nëse e kishte ndjekur finalen e Champions League mes Interit dhe PSG-së.

Gazetari që i bëri pyetjen i shpjegoi Berishës se humbja e Interit ndaj PSG-së ishte bërë shumë virale, duke bërë një analogji mes humbjes së PD-së dhe fitores së Ramës duke marrë për bazë dhe faktin që gjatë fushatës elektorale, Partia Socialiste identifikohej me numrin 5 në fletën e votimit, ashtu si edhe 5 golat që PSG i shënoi Interit.

“Çështja e farsës elektorale është bërë shumë virale këto ditë. Si tifoz i francezëve, si e patë fitoren me 5 shifra të PSG-së ndaj Interit? U gëzuat?”, e pyeti gazetari.

Por Berisha nuk dha një përgjigje të drejtpërdrejtë në lidhje me kët por u shpreh se është në një periudhë ku interesi i tij për futbollin ka rënë, dhe në vend të kësaj, iu kthye gazetarit me një kundërpyetje: “Mos do të më pyesësh për udhëtimin e Ramës me çarter, me bileta 30-40 mijë euro sipas tij, apo për takimin me Nusretin e biftekut e 1 mijë dollarësh?”

“Është një periudhë ku interesi im për futbollin ka rënë në minimum. Kështu e kam unë. Unë e dua futbollin, por sipas mënyrës sime. Nuk them se e pashë (finalen e Champions League). Tani ju donit të më thoni mua, se Edi Rama thuhet se me çarter dhe me bileta që shkojnë tek 30-40 mijë euro, ndoqi ndeshjen dhe doli me Nusretin, me biftekun prej 1 mijë dollarësh. Sigurisht, si sheik, shijon krimet e tij, krimet monstruoze elektorale që ka bërë”, tha Berisha.

Si t’u duk ndeshja PSG-Inter? Berisha: Interesi për futboll është zero në këto momente pic.twitter.com/hSVK1eOGg0

— Euronews Albania (@EuronewsAlbania) June 2, 2025

LEXONI GJITHASHTU:

• Berisha akuzon Ramën për dhënie të paligjshme të lejeve për kanabis gjatë fushatës
• Hidhet shorti: Gjyqtarët që kanë në dorë “fatin” e Berishës për dosjen “Partizani”