“I duan me lëkurë gjarpri, krokodili ose struci”- Këpucari zbulon porositë e VIP-ave

Zoti Kreshnik, mjeshtri i këpucës që bën këtë profesion që 19 vjeç, ishte i ftuar këtë të shtunë në Real People në Euornews Albania, ku foli mbi të pathënat e profesionit të tij.

Ai tha se tashmë këpucët artizanale janë kthyer në modë, ku i pororsisin edhe personazhe të njohur.

Sipas tij, në punishte bën edhe këpucë me lëkurë krokodili apo gjarpri, për klientë me dëshira të veçanta. Ndër to ka edhe personazhe të njohur, të cilët preferon t’i mbajë sekret. Gjithsesi, kostoja e këtyre lloj këpucësh është e lartë dhe janë të rralla, tha ai.

“Kam punuar me lëkurë krokodili, e ka sjellë një shok do ta punoj për një palë këpucë që i do për vete. Copa më e shtrenjtë është dhe struci, dhe pitoni.

Ka pesonazhe të njohur që kanë ardhur, por që nuk i tregoj dot.

Tashmë i është rritur vlera këtij zanati, pasi para viteve 2005 më shumë vinin nga jashtë këpucët. Pasi provuan dhe prodhimin që vinte nga jashtë tani i janë rikthyer sërish prodhimit vendas.

Ka që i pororsisin dhe nga jashtë Shqipërisë, por deri tani kemi transport vetëm për në Shqipëri dhe Kosovë. Kemi shumë klientë ndër vite. Prodhimet e huaja na konkurrojnë me emrin, por jo me materialin. Se ne e dimë çfarë materiali fusim këtu.

Tani dhe ne duam t’i bëjmë prodhimet me logon tonë”, tha ai.

LEXO GJITHASHTU:

• Këpucari: Prada apo Balenciaga s’kanë asgjë më shumë se këpucët tona artizanale
• Festa e Trëndafilave, banorët ruajnë traditën, shpërndajnë lule në çdo shtëpi