Këpucari: Prada apo Balenciaga s’kanë asgjë më shumë se këpucët tona artizanale

Zoti Kreshnik, mjeshtri i këpucës që bën këtë profesion që 19 vjeç, shprehet se firmat e mëdha nuk kanë asgjë më shumë se këpucët që ai bën në cilësi, por vetëm emrin e famshëm.

Në një intervistë për emisionin “Real People”, ai u shpreh se ka klientë që shkojnë për të riparuar këpucët me çmime 200 euro, të cilat i kanë blerë prej pak kohësh.

Kreshniku shtoi se tashmë është i kënaqur për profesionin e tij, pasi ka rifilluar të vlerësohet. Sipas tij më përpara këpucët artizanale injoroheshin nga njerëzit duke i cilësuar si “mall shqiptar”.

“Ç’a janë këto këpucët e famshme jo po Prada dhe jo po Balenciaga vetëm emrin kanë. Materialin se besoj se kanë ndonjë dallim me këpucët tona.

Këpucët kanë astar. Astarin e brendshëm ne ia vendosim lëkurë pasi nëse është inkelit, atëherë këpuca do të fillojë të mbajë erë. Nëse e provon me çakmak inkeliti digjet e rudhos, nëse lëkura nuk pëson asgjë.

Është një punë shumë e veçantë, tani është rikthyer sërish vëmendja dhe ka dhe vlerë. Më përpara thoshin “hë se mall shqiptar është” dhe nuk e vlerësonin, ndërsa tani kanë filluar e vlerësojnë punën artizanale”, tha këpucari.

LEXO GJITHASHTU:

• “I duan me lëkurë gjarpri, krokodili ose struci”- Këpucari zbulon porositë e VIP-ave
• Festa e Trëndafilave, banorët ruajnë traditën, shpërndajnë lule në çdo shtëpi