I mbijetuari i masakrës së Reçakut: Tmerr! Serbët më vranë 12 kushërinj dhe vëllain

I mbijetuari i masakrës së Reçakut të kryer nga Serbia në Kosovë në vitin 1999, Rame Shabani, ka rrëfyer tmerrin e përjetuar gjatë asaj periudhe, në një kohë që sot kjo ngjarje shënon 25 vite.

Përmes një interviste në Euronews Albania, Shabani është shprehur se në atë masakër ai ka humbur vëllanë e tij dhe 12 kushërinj.

Kujtojmë se edhe sot e kësaj dite, shteti serb ende nuk ka kërkuar një falje lidhur me masakrat e kryera në Kosovë.

“Unë atë ditë e mbaj mend si vitin 1999. Ne jemi çuar në krismat e automatikut, tanket, autoblindat. Në atë masakër i kam humbur 12 kushërinj dhe vëllain. Atë ditë jemi çuar në mëngjes dhe kemi dalë në oborr dhe kena kqyr me Sadik Osmanin dhe Myslym Bilalin.

Në atë kohë ka pas Sadik Osmani një telefon ajror. I kena telefonu i kena thirr në Ferizaj. Jena drejtu në oborrin e Sadik Osmanit që kishte bodrum. Kanë qenë rreth 30 vetë, me gra e me fëmij”, tha Shabani.

LEXONI GJITHASHTU:

• Rama përkujton masakrën e Reçakut: Nderim për viktimat e krimit shtetëror
• Osmani: Drejtësia për Masakrën e Reçakut, detyrë e shenjtë që kapërcen kufijtë