I riu rreh xhaxhain, arrestohet nga policia. I gjenden granata e municione në banesë

Një 20-vjeçar është arrestuar nga policia e Matit pasi gjatë një debati për motive të dobëta ka ushtruar dhunë ndaj xhaxhait të tij.

Në banesën e 20-vjeçarit, shërbimet e policisë gjetën dhe sekuestruan 34 copë fishek, 2 granata, 8 ndezëse granatash, 1 qytë dhe 1 krëhër arme.

Ndërhyrja e policisë ka parandaluar përshkallëzimin e mëtejshëm të konfliktit që mund të kishte pasoja më të rënda.

I riu u shoqërua në komisariat, ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

“Menjëherë pas njoftimit se rreth orës 20:00 të mbrëmjes së djeshme, në fshatin Drita, për motive të dobëta, një 20-vjeçar po dhunonte xhaxhain e tij shtetasin P.K., 58 vjeç, shërbimet e Komisariatit të Policisë Mat, shkuan menjëherë në vendngjarje.

Si rezultat i ndërhyrjes së menjëhershme, u bë e mundur përshkallëzimi i mëtejshëm i këtij konflikti, si dhe arrestimi i autorit të dyshuar, shtetasit K.K., 20 vjeç, banues në fshatin Drita, Mat.

Gjatë kontrollit të banesës së 20-vjeçarit, iu gjetën të fshehura dhe iu sekuestruan në cilësinë e provës materiale, 34 copë fishek, 2 granata, 8 ndezëse granatash, 1 qytë dhe 1 krëhër arme”, njofton policia.

LEXONI GJITHASHTU:

• Operacion anti-kanabis në Krujë, kapen bimë të mbjella dhe fidanë në kubikë
• I riu rreh xhaxhain, arrestohet nga policia. I gjenden granata e municione në banesë