Idajet Beqiri përplaset me avokatin e vajzës keniane: Ti s’po jep asnjë informacion

Avokati Idajet Beqiri dhe avokati i vajzës nga Kenia, Henri Bici u përplasën në një debat në “Good morning Albanians”.

Beqiri akuzoi Bicin se nuk po jepte asnjë informacion për vajzën e cila prej 14 gushtit ndodhet e shtruar  në spitalin e Trumës në gjendje të rëndë.

“Ju si avokat kur bëni kërkesën i thoni na jepni ato që nuk janë sekrete dhe ata janë të detyruar, pra prokuroria është e detyruar të japë ty edhe fillimin e procedimit penal, deklaratat që janë marrë, dëshmitarët që janë pyetur. Nuk sjellin pasoja në hetim,” – u shpreh Beqiri.

Ndërsa Bici insistonte se nuk mund të jepte asnjë detaj, Beqiri i përgjigjej se nuk po kërkonte detaje, por donte të dinte nëse avokati i vajzës ka informacionet e duhura.

Henri Bici foli për zgjatje afatesh të hetimit, gjë që nuk u pranua nga Beqiri i cili vazhdimisht kërkonte të dinte nëse çështja ishte gati të shkonte në gjyq, pasi u mbushën 3 muaj.

Mjekët bëjnë me dije se e reja ka 3 brinjë dhe kocka të thyera, lëndime në dorë dhe stomak si dhe dëmtime në tru.

22-vjeçarja punonte në nga kazinotë e kryeqytetit dhe mesnatën e 13 gushtit ajo humbi kontakte me familjarët e saj.

LEXONI GJITHASHTU:

• Avokati i 22-vjeçares keniane: Çështja është regjistruar para se ta merrja përsipër
• Avokati Beqiri për dhunimin e 22-vjeçares keniane: E zbulova nga një media gjermane
• U dhunua barbarisht, flet e ema e kenianes: Kush e përndiqte vajzën