INSTAT: Familjet shqiptare investojnë më shumë në arsimimin e fëmijëve

Familjet shqiptare, kanë shtuar buxhetin e tyre sa i takon çështjeve të arsimit. Të dhënat e reja të INSTAT tregojnë se nga 12 grupet kryesore të konsumit të familjeve shqiptare, shpenzimet më të mëdha i kishte arsimi, në tre dekadat e fundit.

Nga 1.6 miliardë lekë të shpenzuara në të gjitha familjet shqiptarë në 1995, kjo vlerë ka shkuar në 32,4 miliardë lekë në 2023.

Ndër arsyet kryesore është shtimi i institucioneve arsimore, private, si për kopshte, dhe çerdhe ashtu dhe për universiteteve dhe shkollave private.

Sipas INSTAT, në vitin 2022, shpenzimet vjetore të familjeve shqiptare për arsimin u rritën me 17.5% në krahasim me vitin 2021 dhe në vitin 2023 u rriten me rreth 8%.

Një tjetër faktor që ka ndikuar është dhe tarfia e universitete publike, duke sjellë kështu një kosto për familjet, shtuar këtu dhe shërbimet që kërkon ky sektor.

Sipas të dhënave zyrtare në vitin 2016, në arsimin e lartë privat, kishte 25,514 studentë, të cilët përbënin 17.3% të totalit të studentëve. Vitin e kaluar, numri i tyre arriti në 32,3 mijë ose 27,6% e totalit të studentëve.

Tregu i arsimit të lartë privat në vitin 2022 arriti në rreh 65 milionë euro, ndërsa në total familjet shqiptare shpenzuan me 2023 për shërbimet arsimore një vlerë të përafërt me 324 milionë eurosh.

LEXONI GJITHASHTU:

• Berisha: Arsimi në rënie dramatike, PD do të rrisë pagat dhe përmirësojë kushtet
• Protesta e radhës për Martin Canin, më 3 dhjetor marshim drejt Ministrisë së Arsimit