INSTAT: Në vitin 2022 numri i mjekëve në Shqipëri ra me 1.9% i infermierëve me 0.7%

Viti 2022 ka shënuar një tjetër rënie të numri të bluzave të bardha brenda sistemit shëndetësor. Sipas raportit të INSTAT, vetëm në shërbimin parësore, kemi 1.9% më pak mjek se në vitin 2021, ndërsa infermierët në këtë shërbim ranë me 0.7%.

E thënë me shifra, në shërbimin parësor vitin e kaluar ishin vetëm 1.777 mjekë, ose 35 më pak se me 2021, ndërsa numri i infermierëve ra në 6.792 ose 50 më pak se vitit 2021.

Por ndërsa numri i mjekëve dhe infermierëve në shërbim po bie, numri i vizitave dhe nevojave për kujdes shëndetësor po rrite. Sipas INSTAT në vitin 2022, në shërbimin parësor vizitat u rritën me 1% në krahasim me vitin 2021.

Forca e punës në mjekësi sidomos me shërbimin parësor po tkurret prej emigracionit drejt vendeve perëndimore kryesisht Gjermanisë.

Këtë vit akademik, në fushat e studimit që lidhen me shëndetësinë janë 22.834 studentë, të cilët përbëjnë 18% të gjithë totalit të studentëve. Numri i studentëve me drejtim degët e shëndetit është më i lartë se nevojat e tregut të brendshëm, por ky trend lajmëron tendencat e emigracionit të profesionistëve në të ardhmen.

Rritja e mprehtë e emigrimit të mjekëve ishte pas vitit 2016 dhe lidhet kryesisht me rritjen e papritur të fluksit të mjekëve drejt Gjermanisë.

Qeveria shqiptare ka marr një së iniciativash, për të frenuar largimin e bluzave të bardha nga vendi ynë.

LEXONI GJITHASHTU:

• Rriten çmimet e ushqimeve, INSTAT: Produktet e shportës 25-50% më shtrenjtë se vjet
• 93 aksidente rrugore në shtator, INSTAT: Në 94,6% shkaktarë shoferët