Inteligjenca artificiale fiton veti njerëzore! Çfarë rrezikojmë nga ky zhvillim?

Geront Taçi, ekspert IT tha në një intervistë për Euronews Albania se inteligjenca artificiale ka nisur t’i afrohet inteligjencës njerëzore, duke e bërë më e përgjithshme.

Ai u shpreh se motori kryesor në rrjetet sociale janë të dhënat, dhe kompanitë e mëdha arrijnë t’i menaxhojnë ato përmes inteligjencës artificiale.

“Kompanitë e mëdha përmes inteligjencës artificiale arrijnë që të menaxhojnë të dhënat dhe nëse ti je interesant për X vend apo kompani këto të dhëna sensitive i kalojnë kësaj kompanie. Motori kryesor janë të dhënat, inteligjenca artificiale po mëson edhe më shumë, puna është në çfarë niveli do lejohet të ndërhyrë në rrjetet sociale. Në fillim inteligjenca kishte një qëllim të vetëm, për shembull do parashikoj motin, me kalimin e kohës tendenca është që të bëhet e përgjithshme, të jep mend për matematikën, bën edhe poezi. Problemi është që duke parë kompaninë që ka krijuar ChatGPT, ka filluar të japë shkëndija të përafërta me inteligjencës njerëzore”, tha eksperti.

LEXONOI GJITHASHTU:

• Elon Musk ngre alarmin për inteligjencën artificiale: Rrezik për njerëzimin
• U kap nga inteligjenca franceze, aplikacioni që zbuloi ku fshihej Leonard Duka