Zëvendëskryeministrja, njëherësh ministre e Infrastrukturës dhe Energjisë, Belinda Balluku ka inspektuar këtë të premte nisjen e punimeve për përmirësimin e sistemit të ujësjellësit dhe ndërtimin e rrjetit të kanalizimeve në qytetin e Elbasanit.
Ajo tha se nga ky investim qytetarët do të furnizohen me ujë 24 orë në ditë. Balluku mori si shembull qytetin e Korçës, i cili sipas saj prej vitesh ka ujë gjatë gjithë ditës.
Shpesh herë thonë që ju flisni për ujin, patjetër që do të flasim për ujin dhe kanalizimet, duke pasur parasysh se kemi trashëguar një sasi ujësjellësish të amortizuar në maksimum. Ne japim rastin e Korçës, që duke paguar pak më shumë, Korça ka 24 orë ujë prej vitesh dhe në parametrat e duhur”, u shpreh ndër të tjera Balluku
Ndërsa bisedonte me inxhinierët ata thanë se po punojnë që qytetarët e Elbasanit të kenë një shpërndarje të rregullt.
LEXONI GJITHASHTU:
- Arrestimet e SPAK/ Balluku: Ne krijuam habitatin për drejtësinë, ajo punon e pavarur
- Balluku: Po ndërtohet një e ardhme e sigurt. Kemi projekt të rëndësishëm me Italinë
