Investimi i dhëndrit të Trump, deputeti i PS zbulon si do transformohet Sazani

Jared Kushner, dhëndri i ish-presidentit amerikan Donald Trump, konfirmoi të premten se është afër finalizimit të disa marrëveshjeve të mëdha për pasuri të paluajtshme në Shqipëri dhe në Serbi.

Deputeti i Partisë Socialiste Toni Gogu tha në emisionin Now në Euronews Albania se projektet do të paraqiten nga investitorët e interesuar tek qeveritë përkatëse dhe do shqyrtohen në kohën e duhur nga autoritetet.

Sipas tij, ka pasur menjëherë dezinformim lidhur me këtë lajm të bërë publik nga vetë dhëndri i Trump, duke nisur nga fakti që e quajnë Sazanin park kombëtar në një kohë që është një zonë ushtarake.

“E shpjegoi vetë Kushner, që tha shumë shpejt do paraqes projektet e mia te qeveritë. Sazani është shumë e thjeshtë, ka një interes nga një kompani, që do paraqitet dhe do të shqyrtohet në kohën e duhur nga autoritetet… Sazani nuk ka qenë asnjëherë park kombëtar, ka qenë zonë ushtarake, që është ruajtur nga ushtarakët e nderuar dhe është pronë e shtetit shqiptar. Do shqyrtohet nga autoritetet për të investuar një nga kryeveprat e Mesdheut, siç thonë investitorë dhe kompani që merren me këtë punë, kjo kompani është në Itali, Francë etj.”, tha Gogu.

LEXONI GJITHASHTU:

• Çfarë po kërkon grupi i Berishës nga Rama? Bylykbashi: Harrojeni paqen
• Gazin e keni juve, freksionin e kemi ne, deputeti i PS ironizon Bylykbashin