Presidenti turk Recep Tayyip Erdogan pranoi de fakto humbjen e partisë së tij “Drejtësi dhe Zhvillim” në zgjedhjet lokale të mbajtura të dielën në vend. Përpara mbështetësve në Ankara, ai tha se rezultatet nuk ishin ato që shpresonte. Ndërkohë, opozita turke shpalli fitoren në qytetet e mëdha, përfshirë Ankaranë dhe Stambollin.
Ermal Kaleci, ish-konsull i Shqipërisë në Stamboll, i ftuar në emisionin “Now me Erla Mëhillin” në Euronews Albania ai tha se tashmë opozita në Turqi ka filluar një luftë të brendshme sepse nuk ka kryetar.
Mes tjerash ai shpjegoi dhe mesazhin që dha Erdogan në deklaratën e tij pas humbjes.
“Zgjedhjet e përgjithshme dhe zgjedhjet vendore ndryshojnë shumë. Nuk mund t’i quajmë zgjedhje politike. Opozita në Turqi është hera e parë që merr 1.8% më shumë se partia e Erdogan e themeluar në vitin 2001. Opozita fitoi por duhet të themi diçka se opozita sapo ka filluar një luftë të brendshme, sepse nuk kemi një kryetar. Erdogan doli foli i vetëm në Ballkon sepse e pranoj humbjen dhe tha gjethet e një peme bien për të pritur pranverën e ardhshme. Besoj se me këtë u kuptua mesazhe. Erdogan ka nga viti 2002 që kalon nga fitorja në fitore”-tha ai.
LEXONI GJITHASHTU:
- Si futen klandestinët në Shqipëri? Gazetari: 7 mijë euro për të kaluar
- Google pranon marrëveshjen pas gjobës 5 mld dollarë, fshin të dhënat e kërkimit
