Ish-mësuesja: Dikur duhej mesatarja mbi 9, sot dalin mësues me mesatare 6

Festa e Mësuesit çdo vit që kalon na përkujton ditën kur më 7 Mars 1887 u hap në Korçë, nën drejtimin e Pandeli Sotirit, Mësonjëtorja e parë Kombëtare shqipe.

Por si ka ndryshuar profesioni dhe reputacioni që ka profesioni i mësuesit nga koha kur prindërit tanë ishin në shkollë e deri në ditët e sotme.

Ilmiana Bujari, ish-mësuese tha në emisionin Goodmorning Albanians në Euroneës Albania se cilësia e arsimit ka ardhur në rënie pasi dikur duhet të kishe mesataren 9 që të bëheshe mësues.

“Ata që shkojnë për mësuesi sot, duke e krahasuar me brezin tim, në kohën tonë shkonte për mësuesi nxënësi më i mirë i maturës, me mesatare jo më poshtë se 9 për kryeqytetin dhe jo më poshtë se 8 për rrethet, sepse cilësia e mësimdhënies ka qenë shumë e rëndësishme. Në atë kohë edhe paga ishte shumë e mirë, sot shkojnë për mësues me mesatare 6”, tha ish-mësuesja.

LEXONI GJITHASHTU:

• Lule, dhurata apo zarf, komercializimi i 7 Marsit
• 7 marsi i fundit i një mësueseje, 40 vjet mes nxënësve, ”sekreti” i jetëgjatësisë në shkollë