Ish-presidenti Topi: Vuçiç do ndalojë. Kosova duhet të ndjekë këshillat e SHBA

Ish-presidenti Bamir Topi ishte këtë të mërkurë i ftuar në një intervistë për Euroneës Albania ku ka komentuar samitin e mbajtur sot në Tiranë për Ukrainën.

Ai tha se ishte shumë e rëndësishme edhe prania e presidentes Vjosa Osmanit në këtë samit, ndonëse Ukraina nuk e njeh pavarësinë e Kosovës.

“Do vijë një moment që Aleksandër Vuçiç do të stopojë. Natyrisht ai do të ketë investime të natyrës ekonomike, strategjike, por shoqëria serbe e cila historikisht ka qenë e ndarë në projeksion, gati 50% e shoqërisë serbe ka qenë për në Evropë, pjesa tjetër për në lindje, por e  ardhmja shikon këtej. Disa agjenda nuk parashikohen në moment, ato maturohen për në perspektivë. Kjo është e ardhmja e Ballkanit.

Ish- presidenti Topi tha gjithashtu se Kosova ka një detyrim moral dhe të pakushtëzuar qëtë ndjekë disa këshilla apo orientime nga ata që kanë qenë çlirimtarët e saj.

LEXONI GJITHASHTU:

• Ilir Kulla: Shqipëria ka dhënë kontribut më shumë se ç’ka pasur mundësi për Ukrainën
• Zelensky nga Tirana: Po përcaktohet fati i Evropës, Putin duhet të dështojë