Ish-prokurori Beçi: Nga e shtuna, jemi në ‘epokën e re’, kush duhet të bëjë kujdes

Ish-prokurori Eugen Beçi ka folur në lidhje me çështjen “Partizani” ku në pranga ka rënë dhëndri i Sali Berishës, Jamarbër Malltezi, ndërsa për liderin demokrat është vendosur “Detyrim Paraqitje”.

Beçi theksoi se që prej të shtunës kur u arrestua Malltezi kemi hyrë në një epokë të re, duke theksuar se zyrtarët e lartë përfshirë dhe ish-kryeministrat apo kryeministrin duhet të ketë kujdes nëse ka miratuar ligje klienteliste.

“Do të duhet që Prokuroria e Posaçme sot që po flasim të dalë me prova dhe jo me hamendësime e deduksione. Në rast se një person që ka qenë  ish-kryeministër apo ish-president, ka ndikuar për hartimin e ligjeve dhe akteve ligjore, duhet të qëndrojmë tek pikëpamja penale dhe pikëpamjea penale njeh vetëm një parim, lidhjen shkak pasojë dhe fajin.

Që ti lidhësh të treja  këto do t’i duhet Prokurorisë që në ditët në vijim të përcaktojë dhe të provojë që këta minustra ka qenë apo jo vartës të ish-kryeministrit.

Prokuroria duhet t’I largohet konfliktit civilë penalë, do të duhet të përcaktojë se këto shkelje janë më tej se civile apo administrative dhe mbi të gjitha duhet të kuptojmë se “kemi hyrë në një epokë të re”.

Çdo ish-kryeministër dhe çdo kryeministër i Shqipërisë me standardin që Prokuroria e Posaçme po vendos duhet të bëjë kujdes kur ka miratuar ligje klienteliste, ligj me akte nënligjore”-tha ai.

LEXONI GJITHASHTU: 

• Zelensky: Flota ruse në Detin e Zi më nuk është e sigurt
• “Izraeli nuk është vetëm”- Macron paralajmërim të fortë për Hezbollah nga Izraeli