Ish-ushtari i UÇK: Si u stis trafikimi i organeve gjatë luftës nga gazetarët e Birn

Ish-anëtari i UÇK, Dritan Goxhaj tha për “Review” në Euronews Albania se gazetarët e Birn në Shqipëri kanë stisur historinë e trafikimit të organeve gjatë luftës.

“E gjitha ka nisur mbi bazën e një shkrimi të bërë nga gazetarët e Birn. Në atë kohë gazetarë Birn nuk kishte për Shqipërinë, por paguhej direkt nga Beogradi dhe shkrimin e ka bërë një amerikan dhe një shqiptar. Shqiptari është Altin Raxhimi i cili bëri këtë shkrim ku tha se janë arrestuar dhe mbajtur nga UÇK-ja në Kukës në këtë fabrikë 19 shqiptarë dhe për këtë shkrim që bëri ky zotëria ka përfituar dhe azil politik sot në Kanada dhe është dhe dëshmitar i fshehur dhe i mbrojtur i Prokurorisë Speciale kundër gjyqit që do të fillojë sot kundër personave të akuzuar.

Këtë shkrim e ka marrë prokuroria e UMNIK-ut dhe ka nisur një proces gjyqësor në vitin 2009 mbi bazën e këtij shkrimi,” – u shpreh Goxhaj.

LEXONI GJITHASHTU:

• Aktivisti kundërshton pretendimet e PDK: Protesta ishte e mbështetur edhe nga LVV
• Kosova në protestë për UÇK-në, gazetari Kosovë Gjoci zbulon shifrat e pjesëmarrjes