“Ishte më i miri në gjithçka”, flet për Euronews bashkëpunëtori i Berlusconit

Marco Parroccin, sekretar i përgjithshëm i Ministrisë së Jashtme italiane dhe përfaqësues i partisë Forza italia tha në një intervistë për Euronews Albania se humbja e Silvio Berlusconit ishte diçka e papritur për të gjithë.

Parroccin tregoi se Berluskonin e kishte takuar për herë të fundit fizikisht 1 muaj më parë, ndërsa shtoi se ai ishte në kontakt të vazhdueshëm lidhur me ecurinë e partisë përmes telefonit, gjë që e ka bërë edhe deri 2 ditë më parë.

“Ishte diçka e papritur. Takimi i fundit fizik ka qenë përpara 1 muaji, ndërsa deri para 2 ditësh ai ka pasur komunikime telefonike lidhur me çështjet e partisë. Silvio Berlusconi ishte i mirë në gjithça; në futboll ka qenë presidenti që ka fituar gjithçka, ishte një nga sipërmarrësit më të suksesshëm. Pa të politika do jetë ndryshe. Kemi një grup të fortë parlamentar dhe do vazhdojmë përpara por ai mbetet një humbje e madhe për ne”, tha Parroccin.

LEXONI GJITHASHTU:

• Kryeministrja e Italisë reagon për vdekjen e Berlusconit: Ishte luftëtar
• “Luani i Apenineve”, Berisha: Berlusconi mik i Shqipërisë dhe Kosovës