Ivica Daçiç: Do të mbrojmë popullin serb në Kosovë

Ministri i Punëve të Jashtme të Serbisë, Ivica Daçiç deklaroi se lufta e vështirë diplomatike dhe politike lidhur me mbrojtjen e integritetit dhe sovranitetit territorial të vendit do të vazhdojë edhe në vitin 2023.

“Fatkeqësisht kjo është një temë me të cilën do të merremi edhe në periudhën në vijim, them, fatkeqësisht, sepse sigurisht që do të përballemi me vazhdimin e presionit, standardeve të dyfishta, shantazheve, që të kemi synime të tjera, si integrimi evropian apo vendosja e marrëdhënieve më të mira me disa vende të rëndësishme në skenën politike ndërkombëtare, padyshim do të kushtëzohen gjatë dialogut me Prishtinën”, tha Daçiç, shkruan Euronews Serbia.

Ai ka thënë se Serbia do të bëjë përpjekje maksimale për dialog dhe paqe, por sigurisht, do të mbrojë me të gjitha forcat jetën dhe mbijetesën e popullit serb në Kosovë.

“Shpresuam dhe shpresojmë se bashkësia ndërkombëtare do ta kuptojë se faktori më i madh i jostabilitetit dhe kërcënimi më i madh për paqen dhe stabilitetin në rajonin e Albin Kurtit, pra politika e Prishtinës, politika e mospërmbushjes së asnjë marrëveshjeje ndërkombëtare nga Rezoluta 1244 e Këshillit të Sigurimit të OKB-së për marrëveshjet e Brukselit dhe Uashingtonit”, theksoi kryediplomati serb.

Sipas tij, lëvizjet e njëanshme të kryeministrit Albin Kurti, çojnë çdo javë në një temë të re për përshkallëzimin e konfliktit në Kosovë.