Izraeliti kërkon mbesën e rrëmbyer nga Hamasi: 4 terroristë e morën me thikë

Inbar doli të premten me miqtë e saj në një festë në natyrë për të promovuar paqen dhe dashurinë. Të shtunën në mëngjes në orën 7:33 ajo i dërgoi një mesazh vëllait të saj se ata kishin qenë nën një sulm terrorist. Vëllai i saj ka humbur kontaktin me të. Me ndihmën e familjes së partnerit të saj, ne mundëm të krijonim historinë e arratisjes dhe rrëmbimit të saj.

Ne gjetëm dy djemtë me të cilët ajo ishte fshehur dhe ata dëshmuan se ajo ishte rrëmbyer e gjallë. Ndërsa terroristët e Hamasit filluan një masakër brutale duke vrarë shumë të rinj, ajo u fsheh nën skenë së bashku me dy djem izraelitë që nuk i kishte njohur më parë. Në një moment ata filluan të vrapojnë nga dy terroristë me rroba sportive që po i ndiqnin. Rrugës u fshehën nën shkurre, por çdo herë terroristët i gjenin teksa vazhdonin rrugën e arratisjes. Pranë një gardhi, një thikë iu vu Inbarit në fyt nga terroristët ndërsa dy terroristë të tjerë iu bashkuan atyre.

Dy djemtë ikën me vrap, duke parë që Inbar u çua me një motoçikletë drejt Rripit të Gazës. Përveç dëshmitarit të rikodifikuar të dy djemve izraelitë, ne kemi vëzhguar një video të paqartë të publikuar në mediat publike arabe, që vërteton se Inbar është marrë e gjallë nga katër terroristë.

Eli Cohen, xhaxhai i Inbar tregoi në emisionin GoodMorning Albanians në Euronews Albania se mbesa e tij ka qenë duke festuar me qindra të rinj të tjerë në natyrë, kur është rrëmbyer nga militantët e Hamas dhe nuk ka asnjë informacion për fatin e saj.

“Inbar është mbesa ime, ajo po merrte pjesë në një festë të shtunën në mëngjes, që bëhej jashtë në natyrë për paqen. Pas pak disa bomba shpërthyen dhe pas asaj shumë terroristë nga Hamas nisën të qëllojnë ndaj çdokujt. Inbar u përpoq të largohej nga aty, dhe pas disa orësh që po përpiqej të fshihej është fotografuar një moment teksa merret nga 4 terroristë të Hamas dhe është dërguar në Gaza”, tregoi ai.

LEXONI GJITHASHTU:

• Fuqia e Izraelit/ Gjenerali: Ka armë nukleare, 3.1 mln ushtarë dhe 665 avionë
• SHBA: Do nisim operacionin e evakuimit të amerikanëve nga Izraeli