Jakaj: Kanë ndërruar jetë disa breza dhe ende nuk u është zgjidhur çështja e tokës

Ish-drejtuesja e burgjeve Xhoi Jakaj, e ftuar në emisionin “Good Morning Albanians” në Euronews Albania, foli në lidhje me çështjen e pronave dhe konfliktet që janë krijuar prej vitesh për shkak të tyre.

Ajo theksoi se shumë breza kanë ndërruar jetë dhe çështja e pronës nuk është zgjidhur, duke shtuar se në Veri ndryshe nga Jugu njerëzit shpeshherë i zgjidhin çështjet me anë të dakordësisë.

Thënë kjo, sipas Jakajt shumë familje në Veri nuk i kanë vendosur fare kufijtë ose i kanë vendosur me marrëveshje.

“Ka disa breza që kanë ndërruar jetë ndërkohë që ende nuk është zgjidhur çështja e tokës. Në Veri njoh shumë familje që kufijtë nuk janë vendosur kurrë, i kanë vendosur ose me mirëkuptim ose me grykën e pushkës. Në Veri ekziston dhe një lloj burrërie më e zhvilluar që vëllezërit ulen dhe e diskutojnë pjesën e tokës. Në zonat e jugut, vlera e tokës është shumë më e lartë se në zonat e Veriut.  Në vitet që kam drejtuar burgun e grave nuk kam pasur asnjë të burgosur që është përfshirë në konfliktin e pronave”-tha ajo.

LEXONI GJITHASHTU: 

• Trupa izraelite grumbullohen në kufirin me Gazën, numri i viktimave shkon në 950
• Mjeku shqiptar Gjermani që ka kryer 53 transplante në zemër