“Jam kundra hapjes së basteve sportive”. Kështu deklaroi ish-deputeti i PS-së Ervin Bushati në një intervistë për Euronews Albania teksa komentoi hapjen e basteve sportive online më 1 janar 2023.
Ish-deputeti sqaroi më tej se duhet analizuar ligji dhe sipas tij është rëndësishme është që kur të nisë aktiviteti të jenë të kontrolluara nga shteti.
“Unë vetë nuk ka luajtur asnjëherë dhe nuk e kuptoj se çfarë qejfi ka një njeri që të luajë por dhe të pengohet çdo gjë në absolut nuk jam. Duhet të jetë i kontrolluar nga qeveria dhe të mbrohen shtresat në nevojë, si familjet me të ardhura të ulëta. Duhet të shohim ligjin. Unë personalisht vetë jam kundra, por nëse ka argumente dhe sa gati është shteti ynë për ta kontrolluar, duhet parë”, u shpreh ai.
Nga 1 janari 2023 do të rihapen bastet sportive online.
Kjo bëhet e ditur në projektbuxhetin e vitit 2023, ku parashikohet rifutja në legjislacion e basteve sportive online.
Nga miratimi në ligj i lojërave të fatit ‘baste sportive’, me efekt nga 1 janari 2023, vlerësohet të arkëtohen në buxhetin e shtetit 2 miliardë lekë taksa në vit.
LEXONI GJITHASHTU:
- Bushati: PD nuk është gati për zgjedhjet vendore
- Hapen bastet sportive, qeveria pritet të arkëtojë 2 mld lekë taksa në vit
