“Jam nën hetim”- Zbulohet arsyeja që çoi në SPAK Pjerin Ndreun

Ditën e sotme kryebashkiaku i Lezhës, Pjerin Ndreu, u paraqit në SPAK, ku u morn ë pyetje për rreth një orë.

Sipas gazetares së Euronews Albania, Sara Demushi, Ndreu po hetohet për ‘shpërdorim detyre’ pas një kallëzimi të PD-së së Lezhës, për një rrugë të restauruar.

“Po hetohet për shpërdorim detyre. Ka të bëjë me një rrugë në qytetin e Lezhës, për të cilën ai është shprehur se ka të bëjë me një kallëzim nga ana e PD. Pas daljes nga SPAK ai deklaroi se ka zero shkelje procedurash dhe dëm ekonomik në këtë rrugë”, tha Demushi.

Ndërkohë më herët Ndreu deklaroi pas daljes nga SPAK se kallëzimi është politik dhe nuk ka vepra penale që rëndojnë mbi të.

“PD e Lezhës nuk është dakord që të bëjmë trotuaret, t’u shpëtojmë jetën njerëzve. Vepra penale është shpërdorim detyre, është kallëzim politik dhe nuk ka të bëjë me korrupsion dhe shkelje të barazisë në tendera”, deklaroi më herët Ndreu.

LEXONI GJITHASHTU:

• Aktivisti: Ndreu mos të bëj meme për afrikanët, por të merret me problemet e qytetit
• Pjerin Ndreu flet pas daljes nga SPAK: Nëse ngrenë akuza, do përballem!