Java e 29 në Serie A, Napoli synon fitoren ndaj Leçe, Milani pret në shtëpi Empolin

Napoli kërkon të lërë pas humbjen e thellë të shkaktuar nga Milani në stadiumin “Diego Armando Maradona”.

Skuadra e Spaletit në orën 19 do të përballet me Leçen, në një ndeshje deri diku të lehtë në letër. Vendësit qëndrojnë në vendet e fundit në tabelën e klasifikimit, ndërsa në anën tjetër napolitanët janë shkëputur ndjeshëm nga vendi i dytë. Përballja e fazës së parë është mbyllur në shifrat 1-1.

Në fushë zbresin dhe dy gjigantët e tjerë të Serisë A, Milani dhe Interi. Kuqezinjtë presin në shtëpi Empolin e vendit të 14-të, ndërsa vijnë me moralin lart pas triumfit me rezultatin 4-0 ndaj kryesuesve të kampionatit. Skuadra e Stefano Piolit i ka të gjithë lojtarët në dispozicion, ndërsa në anën tjetër Tonelli i ndëshkuar me karton të kuq.

Ndeshja hapëse e kësaj jave është ajo mes Salernitanës dhe Interit që luhet në orën 17. Aktualisht zikaltrit qëndrojnë në vendin e katërt në tabelë, ndërsa synim mbetet pozita që të dërgon në UEFA Champions League sezonin e ardhshëm. Çalhanoglu, Skriniar e D’ambrosio janë mungesat kryesore për skuadrën e Inzagit, ndërsa cilësohet favorite për triumfin në këtë përballje.

LEXONI GJITHASHTU:

• Milani ‘poker’ ndaj Napolit, kuqezinjtë triumfuan 4-0 në transfertë
• Riktheu trofeun te Milani, Pioli zgjidhet trajneri më i mirë i Serie A për 2022-shin