“Je mashtrues”, dy shqiptarët në Londër përballen live në emisionin për protestën

Emigrantët shqiptarë zhvilluan protesta të fuqishme në Britani të Madhe në shenjë indinjimi ndaj deklaratave të Sekretares së Brendshme Suela Braverman, e cila kërkoi masa shtrënguese ndaj emigracionit.

Por siç duket, kjo protestë është bërë mollë sherri mes dy shqiptarëve.

Në emisionin “Good Morning Albanians”, një nga shqiptarët, Ilir Dedaj, u shpreh se nuk u organizua një protestë sikurse ishte përfolur, por një aktivitet festiv me flamuj e makina nëpër rrugë.

Por Enkeleid Omi, në një reagim hodhi akuza ndaj tij, duke e quajtur atë mashtrues dhe  kundërshtues të protestës së shqiptarëve.

Ndërsa sot, në emisionin “Good Morning Albanians”, të dy shkëmbyen replika me njëri-tjetrin.

“Për atë duhet të ketë një ndjesë publike, sepse unë nuk kam ofenduar askënd. Ata ngrenë akuza kundër meje pa më njohur fare. Ne kërkojmë të bashkohemi. Unë kur të mbaroj, do t’ju dëgjoj me shumë dëshirë. Nuk duhet të bëjmë debat me njëri-tjetrin, duke mos e njohur personin në fjalë”, theksoi Dedaj.

“Je ti që duhet të kërkosh ndjesë! Nuk kam mundësi t’i kërkoj ndjesë atij. Je gabim. Ne jemi organizatorë zyrtarë, sepse ne kemi marrë përgjegjësinë. Është organizim i mirëfilltë. Nuk kam dëshirë të shpenzoj kohën e televizioneve. Është kohë e humbur kot”, tha Omi.

LEXONI GJITHASHTU:

• Aktivisti shqiptar në Angli: Patrioti më kërcënoi, më tha po të vij tani te shtëpia
• Të krishterët për herë të parë komunitet në Angli
• “Shqiptarët cilësohen abuzues në Angli”, gazetari shpjegon nismën për azilkërkuesit