Jeta në Pompein e lashtë, arkeologët zbulojnë enët e përdorura nga banorët

Arkeologët në Itali kanë zbuluar detaje të reja nga jeta e banorëve të qytetit të lashtë të Pompeit.

Pjata, vazo, amfora, gota dhe objekte të tjera prej balte, të braktisura gjatë katastrofës, janë gjetur përmes gërmimeve.

Në një prej banesave të qytetit është gjetur një bufe, që ka qëndruar e pahapur për më shumë se 2 mijë vjet.

“Këtu mund të shohim bufenë me pjesën prej druri të dyerve dhe këto janë mjetet mbështetëse që mund të jenë pozicionuar kështu, për të mundësuar hapjen e saj. Brenda bufesë ka pasur rafte dhe ajo që shohim është një prej tyre që ka rënë kur shpërtheu vullkani. Brenda gjejmë objekte prej xhami si këto shishe, por edhe qeramike si këto vazo që po zbulohen gradualisht”, u shpreh Gabriel Zuchtriegel, drejtor i parkut arkeologjik të Pompeit.

Bëhet fjalë për zbulimin e fundit në Pompei, konkretisht në zonën veriore të njohur si Rajoni i Pestë, një ndër kryesorët e qytetit të lashtë, ku gërmimet kanë nisur që në 2018-n, në kuadër të një nisme kërkimesh përgjatë perimetrit të parkut, të quajtur “Projekti i Pompeit të Madh”.

LEXONI GJITHASHTU

• Në kërkim të ‘Palafitit’, arkeologët në vendbanimin 7500-vjeçar në Pogradec
• ‘Butrinti si mall tregu’, arkeologu: Pse e kaluan te Komisioni i Ekonomisë?
• Amfiteatri i Durrësit me koncesion, arkeologu: E vështirë që plani të zbatohet