“Jo gjithmonë ka sukses”, mjeku: Sa kushton një fertilizim In Vitro

Embriologu Marsel Haxhia tregoi në një intervistë për “Good morning Albanians” në Euronews Albania se fekondimi In Vitro kushton 4-5 mijë euro dhe jo gjithmonë ka sukses.

Sipas tij, në Shqipëri është në një çmim të ngjashëm, ose pak më lirë në krahasim me të gjitha vendet evropiane.

“Për të kryer një fekondim In Vitro, pak a shumë, bashkë me analizat, bashkë me mjekimet, shkon rreth 4-5 mijë euro,” – u shpreh Haxhia.

Mjeku sqaroi se fatkeqësisht ndodh që ti mund t’i kryesh të gjitha procedurat dhe fekondimi të mos rezultojë i suksesshëm. Në këto kushte sa herë të provosh aq herë duhet të paguash.

Vetë Haxhia tregoi një rast i cili kishte përfunduar me sukses pas 9 In Vitro të dështuara.

LEXONI GJITHASHTU:

• Fotografia e shtatzënës së plagosur në Ukrainë fiton çmimin e vitit
• Rekord i të miturave që ngelin shtatzënë në Maqedoninë e Veriut