“Jo pa recetë”, farmacisti: Ilaçet e gjumit krijojnë varësi, shtim ose humbje peshe

Sipas një studimi, përdoruesit e ilaçeve të gjumit mund të jetojnë 5 vjet më pak dhe kanë një risk vdekshmërie më të lartë.

Konkretisht ata kanë një risk vdekshmërie 55% më të lartë në krahasim më ata që nuk i përdorin.

Marsild Xhemollari, farmacist tha në emisionin GoodMorning Albanians në Euronews Albania se ilaçet e gjumit nuk mund të jepen pa recetë pasi krijojnë varësi dhe kanë efekte anësore negative.

“Ilaçet gjumësjellëse nuk mund të jepen pa recetë, përveçse ilaçeve bimore, por sërish i mbetemi fanatikë takimit me mjekun përpara marrjes së tyre. Në Shqipëri kërkohen masivisht ilaçe pa recetë, por kjo kategori me patjetër ka nevojë për përshkrim të mjekut. Efekti më i madh është varësia, një individ që e përdor pa këshillën e mjekut do e ketë të nevojshme dhe do e ketë shumë problem me lënien më vonë. Pjesa e shtimit apo rënies në peshë janë efekte që mund të shfaqen”, shpjegoi ai.

LEXONI GJITHASHTU:

• Rreziku nga ilaçet e gjumit, studentja: Shoqet e mia kanë shtuar 10 kg në peshë
• Alarm për ilaçet e gjumit! Shtojnë 55% rrezikun për vdekje të parakohshme