“Joe Biden s’do jetë kandidati i vetëm i demokratëve”, gazetarja zbulon prapaskena

Gazetarja Kozeta Turishta tha këtë të diel në Euronews Albania se presidenti Joe Biden nuk do jetë e vetmja kandidaturë e demokratëve për presidentin e ardhshëm të Shteteve të Bashkuara të Amerikës.

Ajo tha se një kandidaturë që po konsiderohet shumë e fuqishme është ajo e gurvernatorit të Kalifornisë, Gavin Newsom, i cili sipas gazetares duket se po fiton shumë popullaritet për shkak të sukseseve të ti.

“Thuhet se Joe Biden nuk do jetë e vetmja kandidaturë për demokratët, por thuhet se do jetë një kandiaturë e bindshme, e fortë, më e mira që mund të kandidojë vërtet presidentin aktual, është guvernatori i Kalifornisë, Gavin Newsom.

Ky është një politikan në moshë të re, shumë i suksesshëm dhe flitet nga kampi blu se ky mund të jetë një kandidaturë shumë e fuqishme. Ai prej dy mandatesh është guvernator i Kalifornisë dhe merr shpesh vëmendje pozitive nga mediat e gazetarët për punën që ai bën, ai është shumë ambicioz”,-tha Kozeta Turishta.

LEXONI GJITHASHTU:

• Gjyqi ndaj Trump, ish-Presidenti: Nëse nuk më lini të qetë, as unë nuk do t’ju lë
• Ish-zëvendëspresidenti Pence mund të dëshmojë në gjyq kundër Trumpit