Johnson: Nëse Putin do ishte grua s’do të kishte luftë në Ukrainë

Kryeministri britanik Boris Johnson ka deklaruar se lufta në Ukrainë nuk do të kishte filluar nëse Vladimir Putin do të ishte grua.

Ai sugjeroi gjithashtu se duhet të ketë më shumë gra në pushtet dhe shtoi se Perëndimi duhet të mbështesë Kievin në strategjinë e tij ushtarake për të ndihmuar në ndryshimin e dinamikës së konfliktit.

“Nëse Putini do të ishte një grua, gjë që ai padyshim nuk është, por nëse do të ishte, unë me të vërtetë nuk mendoj se ai do të kishte i kishte hyrë kësaj çmendurie. Nëse doni një shembull të përsosur të maskulinitetit toksik, kjo është ajo që ai po bën në Ukrainë. Ne me të vërtetë duam t’u japim ukrainasve qëndrueshmëri strategjike,” tha ai, raporton Skynews.

Ndërkohë, Emanuel Macron denoncoi sulmin ajror në Kremenchuck si një “krim të ri lufte”, duke u zotuar se mbështetja për Kievin nuk do të lëkundet.

• Fitorja e Rusisë në Ukrainë do të kishte pasoja katastrofike, sipas Johnson