“Ka ndryshuar realiteti grek”, Çika: Shqiptarët nuk janë më të huaj në Greqi

Pedagogu i marrëdhënieve ndërkombëtare Emilio Çika, i ftuar në Now me Erla Mëhillin tha se integrimi i shqiptareve në Greqi ka ndryshuar shumë.

Sipas tij Shqiptarët nuk konsiderohen më të huaj në Greqi, dhe vendin e të huajit e kanë marrë shtetasit që vijnë nga vendet aziatike.

Çika gjithashtu shton se integrimi i qytetarëve shqiptarë në Greqi është shumë herë më i lehtë.

Me kalimin e viteve, koncepti it të huajit në Greqi ka ndryshuar. Realiteti është që brezat e rinj kanë ndryshuar koncept mbi ata që janë të huaj. Shqiptarët nuk janë më të huaj në Greqi. Vendin e të huajit e ka marrë dikush tjetër që janë kryesisht nga zona aziatike. Rrjedhimisht i gjithë integrimi i shqiptarëve ne Greqi ka ardhur në forma shumë të rrjedhshëm në mënyrën si emigrantet integrohen në Greqi” tha Çika.