Kadilli: Grupi i Berishës po demoralizohet, i Bashës s’ka besueshmëri morale

Anëtari i Këshillit Kombëtar të Partisë Demokratike, Fatbardh Kadili thotë se agonia e kësaj force politike do të zgjatet pas vendimit të Gjykatës së Apelit për vulën.

Në emisionin “Barometri” në Euronews Albania, Kadilli u shpreh se grupi që mbështet Sali Berishën po demoralizohet, ndërsa grupi që mbështet Lulzim Bashën nuk ka kredencialet dhe besueshmërinë morale për të avancuar

“Situata nuk lehtësohet, përkundrazi agonia e PD-së zgjatet. Të dyja palët nuk kanë fituar, të dyja kanë humbur nga ky vendim. Është e dukshme që ka një demoralizim dhe te grupi i zotit Berisha, shifrat e pjesëmarrjes në protestën e sotme e tregonin demoralizimi.

Krahu tjetër, nuk ka kredencialet dhe besueshmërinë morale për të avancuar. Të dyja palët po rrudhen”, theksoi ai.