“Kam ende familjarë në Ukrainë”, Hana rrëfen historinë e trishtë: S’i sjell dot këtu

Hana vjen nga Donjetsku, i pushtuar nga Rusia që prej vitit 2014.

Para 2 muajsh e reja është zhvendosur në Durrës. Në një intervistë për Euronews Albania ajo tregoi se është ndjerë e mirëpritur dhe ka gjetur mbështetje edhe nga bashkëkombasit e saj që jetojnë në Shqipëri.

Në një kohë kur Ukraina ka hyrë në vitin e dytë të nisjes së agresionit rus, Hana tregon se është shumë e shqetësuar pasi ka familjarë atje dhe shpërthimet janë të përditshme.

“Të gjithë janë të frikësuar dhe njerëzit thjesht po presin një farë mbështetje nga vende të tjera dhe do të doja shumë të dëgjoja që lufta ka mbaruar dhe t’i sillja këtu të afërmit dhe miqtë, por për momentin kjo nuk është e mundur,” – tregoi ajo.

LEXONI GJITHASHTU:

• Blinken kundër thirrjeve për armëpushim të pakushtëzuar në Ukrainë
• SHBA do të japë 10 miliardë dollarë ndihmë për Ukrainën