“Kam vuajtur gjatë me mamanë time”/ Pastori rrëfen përballjen me sëmundjen

Pastori Akil Pano komentoi gjetjet e Barometrit në Euronews Albania lidhur me pranimin ose mospranimin e disa sjelljeve sociale mes të cilave eutanazia, nga ku rezulton se 89% e të pyeturve mendojnë se eutanazia është një veprim i pajustifikueshëm.

Ai tregoi përvojën personale me nënën e tij të sëmurë, të cilës siç tha i ka ndenjur për vite të tëra te shtrati duke përjetuar dhimbjen dhe vuajtjen e sëmundjes së saj të gjatë, duke e ditur se si do shkonte.

Sipas pastorit, eutanazia është një dorëzim dhe faliment përkundrejt dhimbjes.

“Kam historinë personale me nënën time dhe kam përjetuar dhimbjen dhe vuajtjen e sëmundjes së gjatë, shpërfaqjen e dashurisë në një dimension të pashfaqur ndonjëherë, duke i ndenjur te shtrati duke e ditur si do shkonte. E dini çfarë po ndodh në vendet ku eutanazia është legalizuar? Të rinj apo të reja në nën efektin e drogave shkojnë atje dhe thonë; jeta ime dhemb, atje ke lirinë të bësh një kërkesë dhe kjo mund të miratohet nga një komision. Problemi është si ta ruajmë jetën edhe kur jeta jote dhemb. Unë e shoh eutanazinë si dorëzim dhe faliment përkundrejt dhimbjes dhe vuajtjes”, tha pastori.

LEXONI GJITHASHTU:

• Eutanazia, vdekje dinjitoze? Mjeku shqiptar në Belgjikë: Është ndihmë për pacientin
• Shqiptarët nuk e pranojnë dot vetëvrasjen dhe eutanazinë. Gjetjet e Barometrit