Kamioni përplas autoveturën në Elbasan, 2 të plagosur

Një aksident i rëndë ka ndodhur në aksin rrugor “Librazhd-Elbasan”, në vendin e quajtur “Ura e Murrashit”, ku një kamion është përplasur me një autovoturë në të cilën lëviznin dy persona.

Si pasojë e aksidentit kanë mbetur të lënduar shoferi dhe pasagjerja në automjet, të cilët janë transportuar në spital për të marrë kujdesin e nevojshëm mjekësor.

Dyshohet se shkak për aksidentin është bërë një parakalim i gabuar.

Grupi hetimor dhe policia ndodhen në vendngjarje po punojnë për sqarimin e rrethanave të aksidentit.

Elbasan/Informacion paraprak

Rreth orës 12:15, në aksin rrugor “Librazhd-Elbasan”, në vendin e quajtur “Ura e Murrashit”, kamioni që drejtohej nga shtetasi G. T., banues në Maqedoninë e Veriut, është përplasur me automjetin me drejtues shtetasin A. T., banues në Pogradec.

Si pasojë e aksidentit janë dëmtuar shtetasi A. T. dhe pasagjerja në automjetin që drejtonte ky shtetas, të cilët janë dërguar në spital, për kujdes mjekësor.

Me shtetasin G. T. po kryhen veprimet e mëtejshme procedurale.

Grupi hetimor në vendngjarje po punon për sqarimin e rrethanave të aksidentit.

LEXONI GJITHASHTU:

• Aksident në Lushnjë| Përplasen 2 automjete, 2 persona dërgohen me urgjencë në spital
• Përgjumet në timon, ndërron jetë shqiptari pas aksidentit në Itali