90 bimë narkotike kanabis të kultivuara në vazo janë sekuestruar brenda një magazine në Malësi të Madhe.
Policia bën me dije se në pranga janë rënë dy gra ndërkohë janë shpallur në kërkim bashkëshortët e tyre.
“Në kuadër të këtij operacioni u bë arrestimi në flagrancë i shtetases F. V., 54 vjeçe, banuese në fshatin Jeran, Malësi e Madhe, si dhe nisi procedimi në gjendje të lirë, për shkak të gjendjes shëndetësore, për shtetasen M. V., 43 vjeçe, banuese në fshatin Jeran. Gjithashtu, u shpallën në kërkim shtetasi U. V., 61 vjeç (bashkëshorti i shtetases F. V.) dhe vëllai i tij, shtetasi Gj. V., 56 vjeç (bashkëshorti i shtetases M. V.), të dy banues në fshatin Jeran, për veprat penale “Kultivimi i bimëve narkotike”, kryer në bashkëpunim” dhe “Vjedhja e energjisë elektrike”.-njofton policia.
Këta 4 personat dyshohet se kanë bashkëpunuar më njëri-tjetrin, për të kultivuar kanabis në magazinën e 54-vjeçares.
Ndërkohë kanë nisur hetimet për 4 punonjës të OSHEE, konkretisht për S., 23 vjeç, E. B., 37 vjeç, të dy banues në fshatin Gruemirë, I. D., 50 vjeç, banues në Koplik dhe F. D., 54 vjeç, banues në fshatin Bajzë, punonjës të OSHEE Malësi e Madhe.
Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.
LEXONI GJITHASHTU:
