Kandidatët e PD për këshillin bashkiak të Vaut të Dejës i “bashkohen” Berishës

Kandidatët për këshilltarë të Këshillit Bashkiak të Bashkisë Vau Dejës përmes një deklarate publike kanë shprehur mbështetjen për kandidatin e koalicionit “Bashkë Fitojmë”, Zef Hila.

Në deklaratën që mban emrat dhe firmat e tyre, ata shprehet se distancohen nga çdo kandidaturë personale e kujtdo qoftë ajo, përfshirë edhe të kryetarit të komanduar të PDSH-së, “për sa kohë kjo kandidaturë është nxjerrë në kundërshtim me vullnetin e demokratëve të bashkisë së Vau Dejësit”.

“Ne i bëjmë thirrje të gjithë demokratëve të bashkisë së Vau Dejësit, që të bashkuar të mbështesim kandidatin e përbashkët të demokratëve, Zef Hila dhe listën e kandidatëve për Këshillin Bashkiak të Partisë Demokratike të Shqipërisë. Zef Hila është ish-kryebashkiaku jonë, është Deputeti ynë, është njeriu më i votuar dhe më i mbështetur i kësaj zone, dhe po ashtu edhe në listën tonë për këshilltarë bashkiak janë përfshirë gra dhe burra të ndershëm, profesionistë e me integritet, me kontribute për komunitetin tonë, e të gjithë  janë të gatshëm për të punuar me përkushtim dhe me besim, për fitoren e padiskutueshme të Partisë Demokratike në Këshillin Bashkiak dhe të Zef Hiles si kryetar i ardhshëm i Bashkisë Vau Dejës me 14 maj”, thuhet në deklaratën e kandidatëve për këshilltarë.

LEXONI GJITHASHTU:

Denoncon PD: Policia shoqëroi dhe shantazhoi kandidatët tanë në Vaun e Dejës

Kandidatja e PD në Vaun e Dejës-Berishës: Zoti non grata nuk bashkëpunoj me ju