Kapen duke vjedhur në një kompleks të Tiranës, vihen në pranga dy persona

Dy persona janë arrestuar nga Policia e Tiranës, pasi u kapën gjatë një vjedhje në një kompleks të vendosur në rrugën “Fejzi Himzo” në Tiranë.

Shtetasit e arrestuar janë P. M., 51 vjeç, dhe E. Ç., 39 vjeç, të dy banues në Tiranë. Pas kapjes në flagrancë, u sekuestruan disa nga sendet e vjedhura.

Veprimet hetimore të mëtejshme zbuluan dhe dy vjedhje të tjera të kryera nga të njëjtët individë në muajt mars dhe prill të këtij viti. Vlerat e vjedhura përfshijnë para, pajisje elektroshtepiake, vegla pune dhe pije alkoolike.

Policia ka vazhduar hetimet për zbardhjen dhe dokumentimin e vjedhjeve të tjera që mund të jenë kryer nga këta shtetas.

Materialet i kaluan Prokurorisë, për veprime të mëtejshme.

LEXONI GJITHASHTU:

• EMRI/ Grabiti shitësen dhe tentoi ta përdhunonte, kush është autori në kërkim
• E dënuar me mbi 9 vite burg për trafik droge në Itali, kapet në Elbasan 47-vjeçarja