Kapen mbi 32 mijë euro të padeklaruara në Kakavijë, procedohen dy shtetas

Shërbimet e Policisë Kufitare në Kakavijë goditën këtë të martë dy raste të mosdeklarimit të të hollave nga shtetas që udhëtonin në kufi, duke sekuestruar mbi 32 mijë euro dhe 30 mijë lekë.

Policia bën me dije se u ndalua shtetasi V. B., 66 vjeç, banues në Kuçovë, i cili u kap në hyrje të vendit me 11 985 euro dhe 30 000 lekë në çantë, të cilat nuk i kishte deklaruar. Ndërsa shtetasi F. I., 69 vjeç, rezident në Greqi, u kap në dalje të vendit me 20 000 euro të mosdeklaruara.

Pas veprimeve procedurale, specialistët për Hetimin e Krimeve të DVKM Gjirokastër referuan materialet në Prokurori. Për dy shtetasit është ngritur procedim penal në gjendje të lirë për veprën penale “Mosdeklarimi në kufi i të hollave dhe i sendeve me vlerë”. Shumat e parave janë sekuestruar si prova materiale.

Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Sekuestrohen 9670 euro dhe 3345 paund në portin e Durrësit, procedohet 39-vjeçari
• U vendosnin logo të markave të shtrenjta rrobave nga Turqia, procedohen babë e bir